Маросими ботантанаи кушодашавии мусобиқаи байналмилалии шиноварӣ

69

271

Рӯзи 22-юми июни соли 2019 дар «Маҷмааи ҳавзи шиноварӣ»-и шаҳри Хуҷанд бахшида ба таҷлили Рӯзи Истиқлолияти давлатии Ҷумҳурии Тоҷикистон мусобиқаи навбатии байналмилалӣ оид ба шиноварӣ оғоз ёфт. Дар ин мусобиқа, наздики 70 нафар шиноварон аз кишварҳои дӯсту ҳамсоя Афғонистон, Белорус, Қирғизистон, Федератсияи Россия, Тоҷикистон ва Ӯзбекистон иштирок доранд. 
Дар маросими кушодашавии мусобиқаи байналмилалии шиноварӣ Раиси вилояти Суғд Раҷаббой Аҳмадзода, муовини Раиси Федератсияи миллии шиноварии Ҷумҳурии Тоҷикистон Назарзода Қудратулло Бобо, Раиси шаҳри Хуҷанд Маъруф Муҳаммадзода ва дигар шахсони расмӣ иштирок ва суханронӣ намуданд. 
Нахуст Раиси вилояти Суғд Р.Аҳмадзода тамоми меҳмонон ва иштирокчиёни мусобиқаи байналмилалиро ба кишвари меҳмондӯсти Тоҷикистон хайрамақдам гуфта, баргузории чунин мусобиқаи сатҳи байналмилалиро баҳри таҳкими дӯстиву рафоқат, тарғиби тарзи ҳаёти солим муҳим арзёбӣ намуд. Қайд гардид, ки имрӯзҳо таваҷҷуҳи Роҳбарияти олии кишвар ба рушди варзиш, таҳияи шароитҳои мусоид дар ин самт ва тарбияи насли наврас дар рӯҳияи ватандӯстиву инсонпарварӣ заминаи воқеъӣ гузошт. Ташкили чунин мусобиқаҳои сатҳи баланд муаррифгари кишвари Тоҷикистон дар арсаи ҷаҳонӣ гардида, барои рушди варзиш ва солимии ҷомеа дар мамлакат мусоидат менамояд.

272273274

Ҳамчунин муовини Раиси Федератсияи миллии шиноварии Ҷумҳурии Тоҷикистон Назарзода Қудратулло Бобо аз номи Раиси Федератсияи миллии шиноварии кишвар, Вазири корҳои дохилӣ генерал-полковники милитсия Раҳимзода Рамазон Ҳамро ҳамагонро ба муносибати кушодашавии чорабинӣ табрик ва ба варзишгарон - иштирокчиёни мусобиқа муваффақияту комёбиҳоро орзу намуд. Мавсуф дар баромади хеш аз манфиати варзиш барои солимии рӯҳу тан, мустаҳкамкунии риштаҳои дӯстиву рафоқат ва ҳамдигарфаҳмӣ байни кишварҳо тавассути варзиш, ки қосиди сулҳ дониста мешавад, таъкид дошт. 
Баъди маросими расмии кушодашавӣ ба варзишгарон ва мухлисони дар толор ҳузурдошта барномаи фарҳангӣ манзур карда шуд.
Тавре иттилоъ дода шуд дар мусобиқа варзишгарон барои дарёфти мақомҳои фахрӣ аз намудҳои брасс, батерфлай, пуштнокӣ, тарзи озод, эстафетаи даставӣ дар масофаҳои 50, 100, 200 метр ва дигар масофаҳо мардҳо ва бонувон дар алоҳидагӣ қувваозмоӣ хоҳанд кард.
Аллакай дар рӯзи аввали мусобиқаи варзишӣ варзишгарон ба рақобатҳо шуруъ намуда, ғолибони чанд намуди он муайян гардиданд. Миёни мардҳо дар намуди пуштнокӣ, ба масофаи 200 метр варзишгари дастаи Федератсияи Россия Игорь Лебедев мақоми аввал, намояндаи Ҷумҳурии Белорус Вячеслав Тугачёв мақоми дуюм ва Владислав Котов аз Ҷумҳурии Ӯзбекистон зинаи сеюмро ишғол намуданд.
Миёни мардҳо дар намуди батерфлай ба масоҳати 50 метр номояндаи дигари тими Федератсияи Россия Дмитрий Зеленин ҷойи аввал, варзишгари Ҷумҳурии Ӯзбекистон Ойбек Хужаев зинаи дуввум ва Денис Данысевич аз Ҷумҳурии Белорус мақоми сеюмро ишғол намуданд.

281276275277

Ҳамин тариқ, миёни бонувон аз намуди пуштнокӣ ба масофаи 200 метр варзишгари дастаи Ҷумҳурии Ӯзбекистон Муслима Султонова мақоми аввал, ду намояндаи Ҷумҳурии Тоҷикистон Карина Климык ва Екатерина Бордачёва мутаносибан ҷойҳои дуюму сеюми мусобиқаро соҳиб гардиданд.
Миёни бонувон ҳамчунин аз намуди тарзи озод ба масофаи 100 метр варзишгари Федератсияи Россия Ирина Злобина зинаи аввал, Гуландом Исломова аз Ҷумҳурии Ӯзбекситон мақоми дуюм ва Виктория Островская аз дастаи Белорус ҷойи сеюмро ба даст оварданд.
Мукофотҳоро ба ғолибон Раиси вилояти Суғд Раҷаббой Аҳмадзода, сардори РВКД дар вилояти Суғд генерал-майори милитсия Қудратулло Назарзода ва Раиси шаҳри Хуҷанд Маъруф Муҳаммадзода тақдим намуданд.

278279280282

Ёдрас мешавем, ки мусобиқаи байналмилалӣ оид ба шиноварӣ дар шаҳри Хуҷанд то санаи 25-уми июн идома ёфта, аз ҷараёни он иловатан иттилоъ хоҳем дод. 
А. Шарифов, Х. Солихов

Шарҳи Шумо

Security code
Рамзи дигар





Ҳайати ҷавонон ва асосии тими миллӣ

Анастасия Тюрина

Аъзои Шӯрои ҷумҳуриявии «Динамо»-и Вазорати корҳои дохилии Ҷумҳурии Тоҷикистон, узви тими миллии Ҷумҳурии Тоҷикистон оид ...

Ҳайати варзишгарон оид ба шиноварӣ барои иштирок дар ҷамъомади машқи-таълимӣ

Ҳайати варзишгарон оид ба шиноварӣ барои иштирок дар ҷамъомади машқи-таълимӣ ба шаҳри Хуҷанди вилояти Суғд, ...

Варзишгарони шиновар

Варзишгарони Муассисаи давлатии ”Мактаби махсуси варзишии захираҳои олимпии №4 оид ба шиноварӣ ва ҷаҳиш ба ...
© 2019 Федератсияи миллии шиноварии Ҷумҳурии Тоҷикистон